O sábado, 9 de xuño, celebrouse no Pazo de Congresos de Compostela a V Xornada dos Clubs de Lectura galegos. Este ano, por fin, asistiron, xunto co profesorado coordinador, mozos e mozas lectores dos diferentes clubs e membros dos clubs de adultos e adultas.
Pasamos o día completo, desde as nove trinta da mañán ata as sete e media da tarde en compañía de escritores, poetas, estudiosas investigadoras, lectores, recitadoras e compañeiros e compañeiras.
Eliacer Cansino, escritor sevillano, deleitounos co seu saber e a súa tenrura intelixente na primeira das conferencias; e logo os lectores e lectoras, entre eles a nosa representante do Club da Libreta, Ofelia, valoraron entusiastas a súa participación nos grupos lectores...
Logo escoitamos a unha experta en blogs de lectores e lectoras que nos convidou a sumarnos a un grupo de blogueros/as, e a Victor Freixanes.
Foi unha xornada de convivencia e de cargar pilas para o próximo curso, verdade Sara, e de aprender de outros e outras... para mellorar as nosas actividades...
Pois si, o certo é que resultou unha experiencia moi enriquecedora para o nos club. Os obradoiros de alumnos eran divertidísimos! Abofé que repetiremos para o ano.
ResponderEliminarUn saúdo,
Sara