Ptolomeo achégase á novela Pan e Coitelo de Bieito Iglesias

                 Seguimos co relato negro, e de investigadores patrios...; neste de Bieito Iglesias, que leva o título Pan e coitelo, o detective Nóvoa de Oria (a literaria Ourense) debe atopar ó asasino de Odilo, o chófer do conselleiro de cultura de Galleira... Trama próxima a nós, pois recrea os anos noventa do século pasado, cun tono acedo e moi paródico que penso que pode divertir ós e ás lectoras. Engade, ademais, o relato dúas historias en banda deseñada que fan o contrapunto ó relato.