Club Ptolomeo

Ptolomeo le este mes a Judith Kerr

2012-01-23T14:49:00.000-08:00

Este mes os e as lectoras do Club Ptolomeo, seguindo a nosa aproximación ó coñecemento do holocausto, lemos a novela xuvenil? de Judith Kerr, coñecedora de primeira man destes sucesos, Cuando Hitler robó el conejo rosa. Fermosa e delicada aproximación ó nazismo desde a mirada inocente dunha nena que vive sucesos que marcarán a súa vida.

2012-01-05T16:57:00.000-08:00

Morreu o mestre Isaac Díaz Pardo

Onte finou na Coruña Isaac Díaz Pardo, un dos homes máis comprometidos con este noso país.
Grazas, Isaac pola túa labor en pro do noso.
Se queredes escoitar a este home bo galego picade neste enderezo

> http://ninhodacuruxa.blogspot.com/2012/01/o-adeus-un-mestre.html

2012-01-05T15:31:00.000-08:00

Club da Libreta

“El quinto endiscordia”, de RobertsonDavies (Canadá), Premio Llibreter, no ano 2006.

O Club da Libreta le neste mes unha das novelas da Triloxía de Deptford de Robertson Davies.

Lera novela de Davies é unha aventura e un reto. O narrador eprotagonista, Dunstan Ramsay, volve ó pasado para facer a crónicada súa vida co obxectivo -a primeira vista irrelevante- de deixarconstancia dela ante a institución na que foi profesor de Historiamoitos anos. Mais a trama permítelle ó autor trazar o panorama doseu pobo, Deptford, e dos moradores nela que marcan a vida de Ramsaye vense influenciados por el.

El nazismo, lectura do Ptolomeo neste mes, para preparar Berlín

2011-12-22T03:58:00.000-08:00

Os lectores e lectoras mozas do Club Ptolomeo, elixiron adentrarse no triste tema do holocausto, como preparación para a nosa viaxe a Berlín, do mes de marzo vindeiro. Este mes lemos, La lista de Schindler, de Thomas Keneally, o relato de aquel home, que facendo cartos salvou a moitos e moitas da cremación.
Esta esgazadora novela arrástranosata o Holocausto, centrándose na vida de Oskar Schindler, un alemánque nace en Zwittau (República Checa) e pasa unha infancia rodeadode amizades e veciños xudíos, sen amosar xamais interese ningúnpola distinción de razas. O único obxectivo da súa vida é chegarao máis alto, gabear pola escala social para encherse de poder, decartos, de mulleres. Tan forte é o pulo desas ambicións, quechegará mesmo a seguir principios alleos a el, a tecer sobre a súaalma unha máscara opaca coa que velará as súas verdadeirasopinións co fin de introducirse entre as máis altas esferas depoder. Deste xeito, conseguirá abrir unha fábrica de utensiliosculinarios, a Deustche Email Fabrik, na que empregará a man de obramáis barata: os xudíos. Nela xamais morrerá ningún deles, sempreserán ben tratados e non vivirán amedrentados, pois terán oconvencemento de que non os agarda o crematorio. SARA RODRÍGUEZ ESPIÑEIRA, 4º ESO

A Biblioteca colabora cunha Biblioteca saharaui

2011-12-19T01:12:00.000-08:00

Quero participaros que a nosa Biblioteca súmase á fermosa
campaña,, BUBISHER, de apoio á creación dunha biblioteca no campamento de refuxiados saharaui que levan a cabo as Bibliotecas do PLAMBE neste Nadal. Enviamos no nome do instituto o álbum de cativos Un conto cheo de lobos, co noso abrazo fraternal a aqueles lectores e lectoras e ás súa familias.

Día dos Dereitos Humanos 2011

2011-12-11T11:48:00.000-08:00

Aínda que con vintecatro horas de retraso, lembrade que os Dereitos Humanos non son respectados no mundo, e todos e todas podemos facer moito pola súa defensa. As Bibliotecas galegas compartiron un documento para este día, eu non fun quen de baixalo, se ides á páxina das Bibliotecas galegas seguro que o atopades.
No seu lugar inserto unha viñeta alusiva, para que todos e todas reflexionemos...

Merlín, a fantasía e O señor Linh, a realidade máxica

2011-12-09T04:22:00.000-08:00

O Club da Libreta neste mes de Nadal achégase a Álvaro Cunqueiro e a Philippe Claudel. Lemos do primeiro, Merlín e familia, e do autor francés, La nieta del señor Linh.

Nicanor Parra, Premio Cervantes 2011

2011-12-09T04:11:00.000-08:00

O poeta chileno, Nicanor Parra, foi galardoado co Premio Cervantes deste ano, 2011.

Los Profesores

Los profesores nos volvieron locos
a preguntas que no venían al caso
cómo se suman números complejos
hay o no hay arañas en la luna
cómo murió la familia del zar
¿es posible cantar con la boca cerrada?
quién le pintó bigotes a la Gioconda
cómo se llaman los habitantes de Jerusalén
hay o no hay oxígeno en el aire
cuántos son los apóstoles de Cristo
cuál es el significado de la palabra consueta
cuáles fueron las palabras que dijo Cristo en la cruz
quién es el autor de Madame Bovary
dónde escribió Cervantes el Quijote
cómo mató David al gigante Goliat
etimología de la palabra filosofía
cuál es la capital de Venezuela
cuándo llegaron los españoles a Chile (...)

Día internacional contra a violencia coas mulleres

2011-11-23T03:21:00.000-08:00

O próximo venres, 25 de novembro, celébrase o Día internacional contra a violencia coas mulleres, neste enlace podedes atopar información sobre a Marcha mundial das mulleres en Galicia.
http://www.feminismo.info/principal_ll.htm

Coraline, a nova lectura de Xira, Copérnico!

2011-11-16T08:49:00.000-08:00

Inauguramos este curso o clube Xira, Copérnico! coa lectura da obra Coraline. Coraline é unha novela do escritor británico Neil Gaiman que mestura os xéneros fantástico e de terror e que foi publicada en 2002. Obtivo, entre outros, o Premio Hugo á Mellor Novela Curta de 2003. Foi adaptada ao cine nunha película do mismo título dirixida por Henry Selick. Pinchando aquí podedes ver o tráiler oficial: http://youtu.be/LO3n67BQvh0

O club da Libreta le dous relatos este mes...

2011-11-16T03:18:00.001-08:00

Este mes lemos a novela de Marie-Sabine Roger, Tardes con Margueritte, que xa foi levada ó cinema, e que presenta dous personaxes diversos que comparten banco do parque e chegan a amarse... Relato cargado de poesía... e de reflexións sobre as relacións humanas, as palabras, a vida.

A segunda das novelas, é do escritor húngaro, Sándor Marai, e o seu título é El último encuentro. Sándor Márai nace en Kassa (hoxe Kosice en Eslovaquia), unha pequena localidade do antigo Imperio austro-húngaro.

Lectura de novembro, La lista de Schindler

2011-11-16T02:53:00.000-08:00

Neste mes leremos, por decisión dos membros do club Ptolomeo, a novela de Thomas Keneally, A lista de Schindler.

Este relato métenos de cheo no tema do nazismo, elexido para desenvolver antes da nosa viaxe á cidade de Berlín.

Oscar Schindler era alto e loiro, alemán e católico; estaba casado, pero as súas amantes disputábanse o privilexio de dedicarlle noites de diversión porque tiña cartos e era moi xeneroso. Non era un santo nin un heroe, pero este home foi quen de salvar a vida, á súa maneira, a moitos e moitas xudeas, detidas polos mandos alemáns, construindo en Cracovia unha fábrica...

Día da Biblioteca

2011-10-24T12:32:00.000-07:00

Non quero que pase o Día sen aludir a el, pero o tempo...

Hoxe o alumnado de Artes escénicas, mostrou diversas performances durante os recreos, sobre o pracer de ler... agardamos que foran de interés, e que sirvan para facer lectores e lectoras... Grazas ós e ás artistas.

E lembrade que ler abre mundos... e da pracer...

Xa temos lectura para este mes, Lume de cobiza

2011-10-02T15:41:00.000-07:00

Os e as lectoras do Club Ptolomeo xa temos lectura para este mes de octubro, é a novela de Miguel Ánxo Fernández, Lume de cobiza. A partir do martes teredes catro exemplares na Biblioteca.

Miguel Ánxo Fernández é profesor na Universidade de Vigo, é crítico de cine, ensaista e escritor.

Na escritura de ficción é o creador do detective privado, Frank Soutelo, ó que atoparedes no relato que ides ler ... Esperamos que sexa do voso agrado.

Xuntanza de inicio de curso

2011-09-26T03:07:00.000-07:00

Ola, mozos, ola mozas.
O curso xa está funcionando, e nós temos que empezar, mellor continuar, coa nosa tarefa lectora... para que os e as demais nos imiten... Temos novidades, por iso xuntarémonos esta semana, envío un correo xa...
Saúdos.

Viñetas no Atlántico na Coruña, unha boa opción...

2011-08-27T03:05:00.001-07:00

Ola, lectores e lectoras todas...

Visitei a Coruña estes días e atopei a Tin tin, ós Simpson, a Lucky Luke e outros polas rúas da cidade, a exposición do Kiosco Afonso pareceume interesante para os e as que disfrutades da banda deseñada... e para os e as que non, tamén, é unha opción para unha tarde de agosto...

Saúdos e ata pronto.

Lectura para o verán

2011-08-21T03:54:00.000-07:00

Que abandonado temos este blog ..., para reparar este abandono aquí vai unha suxestión de lectura para estes días que quedan de vacacións, a novela Un árbol crece en Brooklin, de Betty Smith pareceme un relato moi interesante pola descripción do barrio da época e o seguimento da evolución da protagonista, unha moza americana dunha familia pobre que medra e mellora de fortuna polo seu tesón e vontade.

Axuda para a mellora da nosa biblioteca

2011-06-28T00:23:00.000-07:00

Estamos de noraboa, para o próximo curso poderemos materializar algunhas das ilusións de mellora da nosa biblioteca e o seu plan de dinamización lectora. Veñen de concedernos entrar no grupo de centros que participan no Plambe, Plan de mellora de bibliotecas escolares de Galiza. O que supón subvención económica e compromiso de traballo. Como temos un profesorado e un alumnado do mellorciño, xa hai moitos e moitas dispostos a traballar.

Parabéns a todos e todas, e ánimo, agora si podemos...

Lois Pereiro ... poemas de amor e enfermidade

2011-03-22T17:32:00.000-07:00

Os e as lectoras do Ptolomeo, vémonos o próximo mércores, 30 de marzo, ás 18,30 na biblioteca para disfrutar coas verbas e os poemas do homenaxeado este ano nas Letras Galegas.
Ata o mércores.

Sol de inverno de Rosa Aneiros no Club da Libreta

2011-03-07T00:31:00.000-08:00

A lectura de marzo do Club da Libreta será a novela de Rosa Aneiros, Sol de Inverno, ganadora do Premio Xerais de novela, e da que a autora afirma: "Traballei moitísimo nesta novela que non é novela histórica senon o intento de recuperar a infancia de Inverno, Antes existe como topónimo na Costa da Morte pero Sol de inverno narra a pérdida e o intento de recuperación dun espazo non só físico senon mental."

Astrid y Verónika falaron no Club da Libreta

2011-03-06T10:16:00.000-08:00

" Pero Astrid no dormía. Se puso de lado con las manos metidas debajo de la almohada y los ojos fijos en Verónika.

-Jamás había hablado con nadie de aquella noche. Jamás -dijo-. Y ahora, al escuchar mis propias palabras, me percato de que cuentan una historia distinta a la que he guardado todos estos años. -Cerró los ojos-. Creo que, si encontramos las palabras y a la persona a quien contárselas, tal vez vemos las cosas de una manera diferente. Pero yo no tenía palabras ni a nadie."

Estas palabras de Astrid, unha das protagonistas da novela de Linda Olsson, comezaron o pasado xoves o encontro do Club da Libreta en torno a Astrid e Verónika. O relato gustou, e case todas concordamos nalgún dos seus méritos. A fluidez coa que está contada a historia, que reserva datos celosamente ó longo de páxinas, para logo insertalos de xeito sorprendente e brillante. A forza da personaxe de Astrid, muller de vida dura e solitaria que algunhas asociaron a mulleres galegas do rural, a paisaxe nórdica e a súa presencia nas vidas, foron algúns dos aspectos comentados.
Disfrutamos coa lectura deste relato dunha vida dura, pero que nos parece moi recomendable.

Xira, Copérnico le a Sherlock Holmes para marzo

2011-02-24T09:49:00.000-08:00

Logo de disfrutar coas andanzas de Tintimán por Compostela en Corazón de Chocolate, continuamos con outra lectura de misterio e suspense: Estudio en escarlata, de Arthur Conan Doyle. Todo un clásico para o inicio da primavera.

Ptolomeo tremendo, le a Lois Pereiro

2011-02-22T09:43:00.000-08:00

Os e as lectoras do Club Ptolomeo, dan a benvida ós seus compañeiros e compañeiras de Xira, Copérnico.
A lectura elixida na última xuntanza para o mes de marzo é o poemario do autor das Letras Galegas deste ano, Lois Pereiro, Poesía última de amor e enfermidade.
Como vedes, xa cambiamos de xénero na lectura. Noraboa pola iniciativa.

Xira, Copérnico!

2011-02-21T12:12:00.000-08:00

Este ano eramos tantos nesta fermosa galaxia de lecturas que decidimos engadir un novo planeta ao sistema: o clube de 1º e 2º de ESO. E como chegamos con espíritu revolucionario, o nome do noso clube vai desmontar todas as teorías coñecidas ata agora. Treme, Ptolomeo! Acaba de chegar Xira, Copérnico!

Begoña Caamano, Circe e Penélope... no Club Ptolomeo

2011-02-17T09:33:00.001-08:00

Que gusto poder compartir con Begoña Caamaño a xuntanza do mércores en torno á súa novela Circe e o pracer do azul. Vímonos na biblioteca, despertouse unha boa espectación pola súa visita. O relato gustou moito e estabamos desexando facerlle preguntas.

Begoña, moi xenerosa, contounos que a ela cando nena contábanlle contos e que coñeceu moi cedo os relatos clásicos, o medrar mantivo algunhas interrogantes sobre aquelas mulleres do relato homérico e delas xurdiu a súa historia. respondeu a todas as preguntas ou dúbidas. Circe e Penélope leváronos a outras moitas cuestións con elas vencelladas, e alí compartimos visións e sentimentos sobre nós e sobre o que nos rodea.

Recomendamos a lectura desta historia recreada pola súa beleza, e pola reflexión que suscita.

A Begoña temos que darlle as grazas pola súa complicidade e a súa xenerosidade. Grazas, Begoña.

Nova lectura para o Club da Libreta, novela sueca: Astrid y Verónica

2011-01-31T09:35:00.000-08:00

Este mes de febreiro as do Club da Libreta lemos a Linda Olsson, que é unha escritora sueca que vive en Nova Zelanda e que se adica á literatura.

Imos ler, a súa opera prima, Astrid y Verónica, a historia de dúas mulleres que se atopan casualmente e que compartirán lembranzas e emocións, pois as persoas solitarias e sensibles sempre precisan dos outros e das outras... A acción sitúase nunha vila, perto da capital de Suecia.

Boa lectura.

Feliz ano e feliz retorno ás aulas... Vémonos o mércores.

2011-01-08T12:34:00.000-08:00

Moi feliz ano novo a todos e todas. Agardo que as vacacións fosen moi boas e o descanso os teña reconfortado. Temos que volver ó traballo e a lectura... se é que deixamos esta nestes días, eu lin máis que nunca, e vós? Ademais os reis viñeron cargadiños de libros, e hai que poñerse ó día.

Vémonos o próximo mércores 12, as 18,30 horas na Biblioteca, con suxestións para o roteiro...

Ata o luns ...

Amélie Nothomb, o mércores 15... viaxamos a Xapón

2010-12-12T08:36:00.000-08:00

O Club da Libreta xúntase o próximo mércores, 15 de decembro, para comentar Ni de Eva ni de Adán, a novela de Amélie Nothomb sobre o encontro de culturas orientais e occidentais.
Vémonos ás 18,30 na Biblioteca.

En decembro Ptolomeo le O achado do castro

2010-12-02T00:43:00.000-08:00

Este mes, decembro, os lectores e lectoras do Club Ptolomeo imos ler

a comedia de Manuel Núñez Singala, O achado do

castro, peza divertida para esquecer o duro traballo

de examinarse...

Vémonos o día 22, ás 18 horas na Biblioteca.

Boa lectura.

O pracer de palicar con Begoña... e Penélope, e Ulises

2010-11-24T14:46:00.000-08:00

Que "prazer" (voume permitir esta licencia) o encontro de hoxe con Begoña Caamaño, a autora de Circe ou o pracer do azul no que participamos máis de vinte lectoras e un lector.

Que ledicia escoitar os segredos da creación que tanto nos fixo gozar a todas! Que intercambio tan fermoso de visións.

Todas coincidimos en que Begoña trata a lingua con un agarimo e unha mestría pouco común nunha escritora primeiriza, coincidimos tamén en que ten traza de muller experta na escritura. Aclarounos o seu interés pola lingua, e o seu interés en atopar co galego aquela expresión que recrease ante o lector e a lectora o mundo da epopeia que tentaba pintar.

No tocante ó tema, coincidimos no acerto en non simplificar e debuxar cada un dos caracteres con unha mirada tenra e moi intelixente. Pode o amor transformar a un ser humano? E a guerra ... que efectos pode producir no que participa nela?

Animamos a ler Circe ou o pracer do azul, disfrutaredes.

Grazas Begoña, e ata pronto.

Circe ou o pracer do azul, no Club da Libreta

2010-11-20T09:45:00.000-08:00

O próximo mércores, 24, xuntámonos os e as integrantes do Club da Libreta para comentar a ópera prima de Begoña Caamaño, o relato Circe ou o pracer do azul.

Vémonos ás 18,30 horas na biblioteca, e é probable que haxa unha grata sorpresa, non faltedes. Ata o mércores.

Xuntanza do Ptolomeo de Novembro

2010-11-20T09:24:00.000-08:00

O mércores pasado vímonos parte dos integrantes do Club, para comentar a lectura de No ventre do silencio de X.L.Méndez Ferrín. ¡Os exames fan estragos!

A lectura os e as lectores resultoulles un pouco oscura, tal que o Mestre Oscur do relato; pero logo de comentar algúns datos da realidade santiaguesa da época decidimos volver a ler para disfrutar de todo o contido. As referencias ós lugares xa desaparecidos da cidade, hotel España, café Español, Porto, etc... interesou moito a todos e todas, e pensamos facer un roteiro para visitalos. Xa vos contaremos ...

Este relato do Presidente da Real Academia Galega recrea a Compostela dos anos cincuenta coas súas miserias e as súas xentes; o mundo estudiantil universitario, as forzas vivas da cidade, a intrahistoria da época. Axuda a coñecer de onde vimos os e as picheleiros de hoxe.

Hoxe Día da Biblioteca

2010-10-24T11:24:00.000-07:00

Hoxe, Día da Biblioteca, recoméndovos que entredes no Portal de Bibliotecas escolares de Galicia, e vexades en Libros en mancomun os vídeos que presenta. Son unha delicia.

Mañán celebramos nós o Día, ímolo pasar ben fomentando a lectura e os libros. Estade atentos e atentas no recreo...

Boa lectura

Encontro con Suso de Toro o mércores...

2010-05-24T15:07:00.000-07:00

Lembro as e os membros do Club Ptolomeo que o próximo mércores, 26 de maio teremos o pracer de encontrarnos na nosa sesión mensual co autor de Calzados Lola. Vémonos na Biblioteca ás 19 horas. Ata pronto, e boa lectura. Podedes invitar a algún amigo ou amiga lectora...

Concertos das Letras galegas

2010-05-24T14:56:00.000-07:00

O pasado martes, e con ocasión do Día das Letras galegas, disfrutamos de dous fermosos concertos de músicas moi diversas.
Pola mañán, na EGAP, deleitounos Paulina Ceremuzynska con cantigas medievais coa súa fermosa voz; e pola tarde no Centro Socio-cultural de Fontiñas, o trío formado por Guadi Galego, Xabier Díaz e Guillerme Fernández ...cantaron e tocaron músicas diversas que engaiolaron ó respetable.

Calzados Lola, lectura do Ptolomeo

2010-04-27T08:18:00.000-07:00

Como xa sabedes todos e todas, ou iso espero, este mes lemos una novela do santiagués Suso de Toro, Calzados Lola., non é un relato de agora mesmo, pero nós os e as Ptolomeos non seguimos a moda, lemos ós bos escritores e ás boas escritoras.
Suso de Toro, que acaba de sorprendernos a moitas e moitos coa nova da súa "retirada" do mundo editorial e a súa volta ó mundo do ensino. Pola miña parte sinto ledicia porque o alumnado vai gozar do maxisterio dun mestre; e penso que Suso de Toro non vai poder deixar de ofrecernos o seu saber literario en novas obras de creación. Tera que compartir tarefas, como case sempre pasa nesta sociedade torta e de escasas miras...

En Abril, o Club la Libreta le a Azar Nafisi

2010-04-23T00:05:00.000-07:00

O Club da Libreta, neste mes de abril, está a ler Leer Lolita en Teheran. Parecenos moi atractiva esta novela de Azar Nafisi, que nos achega ó mundo das mulleres do Islam.

NO DIA DO LIBRO preséntovos ó novo Principiño

2010-04-23T00:01:00.000-07:00

Ninguén quere pasar de moda. E todo o mundo, máis tarde ou máis cedo, decide cambiar de look. Isto é o que lle pasa ó El principito, o inmortal clásico de Antoine de Saint-Exupéry, que agora aparece cunha imaxe máis actual, nun cómic editado por Salamandra.
O francés Joann Sfar, traslada ó entrañable personaxe ó mundo das viñetas e opta por un principiño de rasgos que lembran ó manga xaponés. Un pouco cabezón, despeiteado e con grandísimos ollos azuis.

No templo votivo de Palacios en Panxón escoitamos a Ana Carreira

2010-04-22T01:15:00.000-07:00

Los girasoles ciegos, lectura de marzo do Club da Libreta

2010-03-15T11:41:00.000-07:00

Logo da xuntanza accidentada do Club da Libreta de febreiro, en torno á Fin, o grupo de lectores e lectoras decidimos ler neste marzo, Los girasoles ciegos, de Alberto Méndez.

A expedición do Pacífico de Marilar Aleixandre, lectura do mes

2010-03-08T08:42:00.000-08:00

Agora "toca" novela histórica, as e os membros do Ptolomeo elixiron como lectura do mes, A expedición do Pacífico da bióloga Marilar Aleixandre.
Boa lectura.
Webb personal da autora na que podedes coñecela: www.marilar.org

A praia dos afogados xuntounos o xoves

2010-03-08T08:30:00.000-08:00

O xoves xuntámonos os lectores e lectoras do Ptolomeo en torno ó novo título de Domingo Villar, A praia dos afogados,que en xeral gustou.
Algúns opinan que tal vez é un pouquiño extensa de máis, e o ritmo narrativo, sobre todo ó comezo é lento, pero en xeral a novela interesou e favoreceu a súa lectua.
O inspector Caldas,que ten de Domingo Villar?, Que pasa con Alba? son algunha das preguntas que os ptotolomeos e ptolomeas pensamos facerlle ó autor cando teñamos ocasión.
Volvemos a refrendar, igual que logo da lectura de Ollos de auga, que ambientar a trama de novela negra na nosa terra parécenos moi interesante.
A próxima lectura será A expedición do Pacífico de Marilar Aleixandre. Podedes ir empezando xa...
Saúdiños

Hoxe, afogamos na biblioteca ás 18,30...

2010-02-25T00:09:00.000-08:00

Lembrade que hoxe, xoves 25, tal como quedaramos na xuntanza anterior, vémonos na biblioteca ás 18,30 para disfrutar co Leo Caldas, e esa xente encantadora de Panxón. Non esquezades vir, ainda que o tempo non acompaña.

Comenius

2010-02-17T03:10:00.000-08:00

Comenius en Espergaerden (Dinamarca)

2010-02-17T02:51:00.000-08:00

Andrea, Ariadna, Andrea, Carmen, Laura, Pablo e Charo, Chus e Pili asistimos á xuntanza europea co alumnado danés, letón, finés e xermánico, na cidade de Espergaerden, pasamos frío... pero aprendemos moito e disfrutamos dabondo.

O primeiro día foi de encontro, e preparación das preguntas que formulariamos ó maior, alcalde de Elsingor na sesión que se celebraría no concello. A visita e encontro con señor alcalde foi de interés, pois coñecimos as debilidades de todo sistema democrático, tamén do danés. Sempre se aprende.
Pola tarde visita á capital, Copenhage, que é unha cidade tranquila e fermosa, pero de nivel de vida alto, é todo caro.
Nos días sucesivos, visita ó Castelo de Kronborg, ou castelo de Hamlet, visita moi interesante, pois vimos esculpido a Erik, o vikingo, seique, según o pobo danés, durme ata que teña de defendelos de xeito activo. ¡Que fermosa lenda! Visitamos Elsingor e Espergaerden.
Conversamos con un candidato socialdemócrata ó parlamento danés, ó que os e as estudiantes formularon preguntas que el respondeu amablemente.
Tamén tocou pintar máscaras, para a mascarade, o pobo danés celebra, coma nós, o entroido. E logo compartimos cea.
Asistimos e participamos na posta en común sobre os diversos sistemas de participación do alumnado no goberno dos centros educativos e reflexionamos sobre a necesidade de ser activos. E, sobre todo, fixemos moitos amigos e amigas.

Os participantes no Comenius no Castelo de Kronborg, en Elsingor

2010-02-16T05:20:00.000-08:00

Si, xa vedes, o Comenius da traballo pero tamén permite viaxar a Dinamarca. Que fermosa viaxe fixemos, na procura da democracia, a convivencia; e tamén que literaria. Non poidemos visitar os lugares dos irmáns Grimm, pero si o Castelo de Kronborg, en Elsingor, o escenario do drama de Shakespeare, Hamlet. E como disfrutamos da historia e da paisaxe. Tamén pasamos frío dabondo. Pero iso non ten importancia.

2010-01-31T10:05:00.000-08:00

Fin de David Monteagudo no Club da Libreta.

2010-01-31T09:58:00.000-08:00

A xuntanza sobre A elegancia do ourizo do pasado mércores resultou amena e moi interesante, pois a cada quen a novela de Muriel Barbery suxeriulle lecturas diversas que compartimos amigablemente.Todas coincidimos en que é un bo relato, recomendable polo mundo cultural que presenta, polos tipos que traza e pola visión aceda, pero moi lograda da burguesía francesa.
O Club da Libreta elexiu, cuasi por unanimidade, como lectura deste mes, Fin, a novela do galego afincado en Cataluña, David Monteagudo; parece que o relato deste
escritor proletario, según el mesmo se declara, sorprende e agrada ós lectores e lectoras.
Según a persona que a propuxo, é un éxito polo boca a boca e non por intereses editoriais.

Proxecto Comenius no Antonio Fraguas

2010-01-27T09:00:00.000-08:00

O xoves día 28 de xaneiro, celebraráse na EGAP de Santiago un encontro para centros educativos que están desenvolvendo proxectos e asociacións Comenius dende o ano 2007, no que se lles fará entrega de placas "SOMOS COMENIUS". Está organizado pola Consellería de Educación e o OAPEE, e asistirá a directora do Organismo Autónomo de Programas Educativos Europeos.

Xuntanza do Club da Libreta

2010-01-27T08:09:00.000-08:00

px;" src="http://media.timeoutnewyork.com/resizeImage/htdocs/export_images/673/673.x600.books.barbery.jpg?" border="0" alt="" />
HOxe, mércores xuntámonos as e o integrante do Club da Libreta (lectores e lectoras menos novos/as do centro)para comentar a novela de Barbery, A elegancia do ourizo., vémonos ás 18,30 h. na biblioteca.

1000 eurazos para mercar libros e outras actividades...

2010-01-19T10:25:00.000-08:00

Ola, lectores e lectoras do Club Ptolomeo e do Club da Libreta, por si non o sabedes estamos de noraboa, a Asesoría de Bibliotecas escolares, acaba da aprobar o noso proxecto e concédenos mil euros, nada menos, para dotar as actividades...
Estamos de noraboa, reforza a idea de que imos no bo camiño...
Hoxe pola mañán déronse de alta no Ptolomeo dúas novas lectoras: Cris e Miriam, ben vidas...

A praia dos afogados de Domingo Villar, lectura de xaneiro

2010-01-17T12:40:00.000-08:00

O relato elixido como lectura para o mes de xaneiro é o novo relato de Domingo Villar, A praia dos afogados. Estamos deseosos/as de encontrarnos de novo
ó inspector Leo Caldas, ese vigués radiofónico e sagaz que nos fixo pasar moi bos ratos en lecturas anteriores...
Nesta volta, Nigrán é escenario dun novo suceso que o inspector e o seu peculiar axudante Rafael Estévez terán que resolver.

Record de participación na xuntanza do xoves... con Sherlock Holmes

2010-01-17T12:22:00.000-08:00

Que interesante resultou o encontro do xoves pasado! Estivemos practicamente todos e todas, e con opinións moi diversas sobre a novela Estudio en escarlata de Conan Doyle. Algúns opinan que os relatos de detectives xa están un pouco demodés, ou incluso que non suscitan interés porque sempre o descubren todo... outros, pola contra, disfrutamos da lectura ou da relectura, que a máis de un sorprendeu. Varios comentamos que estamos a agardar pola estrea da película sobre Sherlock Holmes e o seu amigo Watson por ver se nos sorprende.
O tema dos mormóns suscitou tamén múltiples comentarios, como a estructura do relato, que sorprende a lectores e lectoras.
Agardo os vosos comentarios.

Feliz aninovo, moita paz... e Holmes.

2010-01-07T04:05:00.000-08:00

Ola, lectoras e lectores, blogeiros e blogeiras.

Feliz aninovo, espero que os reis foran xenerosos... en libros. Eu lerei novela xaponesa e chinesa...xa vos contarei.
Xa case estamos de volta, e temos que preparar as próximas xuntanzas. Alégrame comprobar que algunhas están xa preguntando polo noso encontro en torno a Sherlock Holmes, co que moitas disfrutamos (perdoa Guillermo, vas incluido).
Para os e as "ptolomeas", será o próximo xoves, 14 de xaneiro, ás 18,30 se vos parece ben. O luns confirmamos.
Saudos para todos e todas.

Le hérisson (El erizo) la película sobre la novela de Barbery ya se estrenó en Santiago.

2009-12-13T09:49:00.000-08:00

Os e as que estedes interesadas en ver a película francesa, de Mona Achache, Le hérisson eiquí El erizo sobre a novela La elegancia del erizo de Barbery, sabede que xa se estreou en Compostela.
Estaría ben vela para logo intercambiar opinións na sesión de decembro do Club da Libreta.

E o Club da libreta tamén ten novo relato...

2009-12-02T15:51:00.000-08:00

O e as integrantes do club dos maiores xa puxemos nome ó noso club, é o Club da libreta, que no mes de decembro lerá a novela de Muriel Barbery, La elegancia del erizo ou A elegancia do ourizo, pois ambas edicións están dispoñibles.

Xa temos nova lectura os e as do Ptolomeo

2009-12-02T15:35:00.000-08:00

Na xuntanza do mércores pasado o grupo lector decidimos que neste mes de decembro, como hai bastante traballo, imos ler a Conan Doyle, para que Sherlock Holmes nos oriente nas nosas pesquisas académicas. O título elixido é Estudio en escarlata, a primeira das novelas do celebérrimo detective.

Xuntanza do Club en torno a Stoker

2009-11-26T09:17:00.000-08:00

Onte, mércores, disfrutamos dunha xuntanza golosa, en torno á novela e a película de Coppola sobre o vampiro de Transilvania. Asisten ex alumnos, o que nos congratula moitísimo.

Sara envíanos un traballo sobre a figura histórica do conde- principe que vos invitamos a ler.

O conde Drácula… existiu?

2009-11-26T09:03:00.000-08:00

A novela de Bram Stoker, Drácula, preséntanos a un vampiro dos malvados, dos bebedores de sangue humana. Sen dúbida parece que nun principio este personaxe é totalmente ficticio, saído da imaxinación de Stoker. Mais non é así. O autor baseouse nunha lenda para escribir a novela.
No século XV viviu en Romanía, no castelo de Bran, en Transilvania, un príncipe chamado Vlad Tepes, coñecido tamén como Draculea. Este apodo significa fillo do demo ou fillo do dragón, palabra que definía o carácter malvado e sádico do príncipe, pois del dicían que gardaba o sangue das súas víctimas para untar o pan da comida nel.
Vlad Tepes naceu no 1431, era fillo do rei Vlad II, que o entregou aos seus inimigos como refén. Vlad medrou en Turquía, no momento no que se executaba aos chungos con estacas, algo que xa o tiña engaiolado aos catorce anos.
Cando regresou ao castelo, o seu pai fora asasinado e o seu irmán, enterrado vivo. Entón desatouse a súa ira.
Aos vintecinco anos, logo de escapar da prisión, proclamouse rei. Convidaba ós seus inimigos a unha sala e obrigáballes a rezar. Nese momento o chan abríase e caían nun foso cheo de estacas de metal. Pronto esa costume convértese na súa obsesión, chegando a matar a cen mil persoas dese xeito.
Aos corenta e cinco anos os seus inimigos tendéronlle unha emboscada. Vencérono e cortáronlle a cabeza, e expuxérona no alto da torre do seu castelo.
Ao mesmo tempo que o rei morría formábase unha lenda que aínda agora, seis séculos despois, grazas a Bram Stoker, segue presente na nosa literatura e no noso entorno.
Sara Rodríguez Espiñeira, 2º Eso C

María Reimóndez, autora de Pirata, premiada

2009-10-04T09:17:00.000-07:00

María Reimóndez, autora de Pirata, que na entrevista en Galicia hoxe, preparada por M. Dopico, presenta este relato "como a busca da propia identidade e todas as loitas que isto implica, encarnada en tres personaxes que se rebelan contra os patróns de comportamento establecidos", ven de recibir o Premio Plácido Castro de tradución, polo seu traballo coa obra inglesa Mary Prince, unha escrava das indias occidentais.

Xuntanza no Punto Lector o venres, 2 de outubro

2009-09-30T08:05:00.000-07:00

O próximo venres, 2 de outubro, ás 12,25 h. en no Punto Lector, verémonos todos aqueles e todas aquelas que queiran participar na dinamización da Biblioteca, nas numerosas actividades que programaremos e realizaremos xuntos e xuntas.

Animádevos a vir e a participar, temos premios para moitos e moitas lectoras...

Invitación a participar no Club de Lectura deste curso

2009-09-24T16:00:00.001-07:00

A partir da próxima semana, os alumnos e alumnas que desexen participar no Club de lectura deste curso poderán anotarse no Punto lector nos recreos.

Agardamos a vosa participación, para compartir bos momentos con e en torno á lectura.

Premio Fonseca a un ecoloxista insigne

2009-09-24T15:51:00.000-07:00

O próximo martes, seis de outubro, ás 20 horas e , no Auditorio de Galicia farase entrega do Premio Fonseca ó profesor, inventor e pioneiro no movemento ecoloxista, James Lovelock.

O profesor Lovelock impartirá unha conferencia que leva por título "Cambio climático nun planeta vivente". A entrada a dita conferencia é libre.

O novo curso 2009-2010 xa está aquí...

2009-09-16T16:31:00.000-07:00

A lectura é como a vida... sempre debemos realizala con entusiasmo...

Saúdo

2009-09-11T16:04:00.000-07:00

Espero que esta imaxe do mar de Quilmas

axude a iniciar o novo curso con ánimo e gan

Saúdo postvacacional

2009-08-31T11:48:00.000-07:00

Ola, lectoras e lectores, amigos e amigas do Club.

Xa estamos de volta, sen acusar o síndrome ese que din que teñen algúns. Nós, logo de descansar, ler, e disfrutar de todo o que se nos ofreceu, temos xa folgos para comezar un novo curso.

Comenzaremos, xa mesmo, a vernos e a planificar, ide pensando, algunhas temos as alforxas cheas de suxestións... este verán foi ben aproveitado na lectura, cando chove, lemos... e cando non chove tamén. Este curso leremos máis. Ide matinando e anotando proxectos novos, temos que mellorar o traballo do curso pasado.

Ata moi pronto...

Singular_es, unha mostra de pintura no centro sociocultural de Fontiñas

2009-06-30T17:38:00.000-07:00

Onte, martes, foi inaugurada polo vicedirector do IES Antonio Fraguas, Xosé Antón Dobarro, a mostra de pintura dos alumnos e alumnas do taller de pintura que dirixe a profesora Marisa Calderón. Alumnas e alumnos, profesores e profesoras noveles nos pinceis mostran a súa opera, nuns casos prima, e noutros máis experta.

Última xuntanza do curso do Club Ptolomeo

2009-06-17T16:00:00.000-07:00

O mércores pasado celebramos a última xuntanza do noso Club por este curso. Xuntámonos en torno á novela do chileno Luis Sepúlveda, Un viejo que leía novelas de amor.

O tema da novela gustounos a todos e todas moito, e sirveunos para lembrar a Chico Buarque, o defensor das selvas amazónicas, asasinado polo gran capital, e hoxe na lembranza de todos grazas á novela a él adicada por Sepúlveda. A fidelidade amorosa e ós amigos, o respeto ós animais irracionais que o protagonista profesa, e o cuidado da Terra son valores que apreciamos na novela e que coincidimos en que se deberían difundir con máis entusiasmo.

"As de bolboreta" é o Premio Fundación Caixa Galicia 2009

2009-06-15T08:44:00.000-07:00

Rosa Aneiros está intratable este ano, logo de gañar o Premio Xerais de Novela 2009, recibe o Fundación Caixa Galicia pola súa creación As de bolboreta
É a primeira vez na historia dos galardóns que unha mesma persoa leva os dous premios, neste caso a xornalista coruñesa.
Son dúas boas recomendacións para ler nas vacacións.

O premio da Fundación Caixa Galicia recae en Rosa Aneiros

2009-06-10T00:52:00.001-07:00

O premio Fundación Caixa Galicia ao mellor título de literatura xuvenil, recaeu nesta edición na escritora Rosa Aneiros, premio Xerais deste ano. Foille outorgado polo relato Ás de bolboreta.

«Sol de Inverno» de Rosa Aneiros, premio Xerais 2009

2009-06-10T00:38:00.000-07:00

O xurado da 26ª edición do Premio Xerais de Novela logo da súa última deliberación, acordou por maioría declarar gañadora á presentada baixo o lema “O retorno das aves”, e baixo o pseudónimo de Pillara que agachaba o nome da escritora Rosa Aneiros e corresponde ao título Sol de Inverno.

Rosa Aneiros naceu en Meirás-Valdoviñono ano 1976, estudiou xornalismo e hoxe é xornalista, traballa no Consello da Cultura Galega. Colabora habitualmente en distintos medios de comunicación impresos e dixitais, entre eles culturagalega.org, na sección Agardando as lagarteiras, Xornal de Galicia, Diario de Pontevedra, El Progreso, Galicia Hoxe, Diario de Ferrol, El País, Grial, Fadamorgana ou Casa da Gramática. Participa tamén no programa “Un día por diante” da Radio Galega.

Un viejo que leía novelas de amor

2009-06-01T11:13:00.001-07:00

O próximo mércores, tres de xuño, reunímonos os e as membros do Ptolomeo para conversar sobre Luis Sepúlveda, Un viejo que leía novelas de amor, e a Amazonia. Vémonos na biblioteca ás 18 horas. Ata o mércores.

Letras galegas 2009

2009-05-24T08:54:00.000-07:00

Este ano celebramos as Letras galegas durante toda a semana; varios departamentos participaron nas actividades, algunhas adicadas a Ramón Piñeiro, e outras ó fomento da lectura entre os e as membros do centro. Desde a biblioteca propuxemos para o mércores, 20 de maio, e realizamos, unha lectura compartida, e por grupos, como xa fixeramos o Día do Libro.
Cremos que estas actividades acercannos ó libro e tamén ós e ás lectores e lectoras que temos ó lado.
Esperamos suxestións para o próximo ano, para mellorar o fomento da lectura.

Finou Mario Benedetti

2009-05-17T16:03:00.000-07:00

O escritor uruguaio Mario Benedetti finou hoxe en Montevideo cando contaba 88 anos de idade. O autor de novelas, Primavera con una esquina rota, e poesía, sufría desde fai meses problemas de saude.

Benedetti é autor de máis de oitenta libros de poesía, novelas, contos, ensaios, e guións de cine, e foi galardoado co Premio Reina Sofía de Poesía Iberoamericana (1999), o Premio Iberoamericano José Martí (2001) e o Premio Internacional Menéndez Pelayo (2005). A súa derradeira obra publicada, o poemario "Testigo de uno mismo", foi presentada no mes de agosto de 2008.

ALBA LÓPEZ, outro ano a mellor actriz do Festival de teatro intercentros 2009:

2009-05-14T15:51:00.000-07:00

Onte, no Teatro Principal de Santiago tivo lugar a entrega dos premios do Festival de Teatro intercentros 2009. Un ano máis Alba López, alumna do noso instituto, o IES Antonio Fraguas, foi por segundo ano consecutivo a mellor actriz do Festival, polo seu traballo na obra O lado torto do mundo. Parabéns a Alba, e tamén a Martín, pola súa nominación.

No mesmo acto representouse a obra gañadora deste ano do Festival que organizan os equipos de normalización lingüística da comarca. O alumnado de 1º e 2º de Eso do "IES Rosalía de Castro" foron desta volta os triunfadores.

Un viejo que leía novelas de amor

2009-05-14T15:44:00.000-07:00

Un viejo que leía novelas de amor
LUIS SEPÚLVEDA Ed. Tusquets

Antonio José Bolívar vive nunha rexión do Amazonas a carón dos indios shuar.Deles aprende, logo de que lle salvaran a vida, a respetar a selva e a todos os animais que viven nela e a converterse nun experto cazador. Vive só, no Idilio, desde que lle falta o seu amor, a súa dona, falecida xa, Dolores Encarnación del Santísimo Sacramento Estupiñán Otavalo .Un día descobre que sabe ler e decide ler novelas de amor que o seu amigo o dentista, Robicundo Loachamín, lle trae ó Idilio una vez cada seis meses. Coa súa lectura intenta esquecer ós cobizosos forasteiros e ós habitantes que queren “dominar” ou destruír a selva por tódolos medios, sen reparar en matar crías de animais para conseguilo.Aínda que Antonio José Bolívar intenta fuxir dos depredadores, o gordo e suoroso alcalde do Idilio fará que non poida evitar tomar partido na defensa do medio natural.
“Sabía tanto de la selva como un shuar, era tan buen rastreador como un shuar. Nadaba tan bien como un shuar.En definitiva, era como uno de ellos, pero no era uno de ellos” . (Un viejo que leía novelas de amor, páx. 50)
Rafael Buján Gómez , 4º Eso A

Contos na biblioteca para todos e todas o Día do libro

2009-05-04T11:21:00.000-07:00

O pasado xoves, 23 de abril, celebramos o Día do libro lendo contos de diversos autores e autoras na biblioteca. Todos os cursos e o seu profesorado celebraron o Día compartindo lectura.

Todos e todas valoramos positivamente a actividade, que pensamos repetir no Día das Letras galegas.

Xuntanza do Club de lectura do profesorado en torno a El Gatopardo

2009-04-22T16:03:00.000-07:00

El Gatopardo, la novela de Tomaso di Lampedusa, é a lectura que convocou ós membros do Club de lectura do profesorado este mércores.

O comentario unánime recoñece que é unha gran novela, que recrea cun ambiente moi sensual e atractivo os derradeiros anos do século XIX italiano, e a grande transformación social que este país, e toda Europa, sofre. O cambio de réxime e de sociedade, o final dunha clase noble con grandes defectos, mais tamén con moitas grandezas, e a ascensión dunha clase burguesa zafia e pouco honesta queda refrexada no texto de Lampedusa. Coincidimos, asemade, no interés da lectura desta novela para explicarnos algúns dos fenómenos sociais da Italia de hoxe.

A próxima lectura deste Club ha ser A esmorga, de Eduardo Blanco Amor, novela que cumple cincuenta anos.

Un viejo que leía novelas de amor, lectura do mes de abril

2009-04-16T16:06:00.000-07:00

Os lectores e lectoras do Club Ptolomeo decidimos que a lectura do mes de abril é a obra do chileno Luis Sepúlveda, Un viejo que leía novelas de amor.

Morning Star, foi desta volta a protagonista

2009-04-16T15:56:00.000-07:00

Na última xuntanza dos e das membros do Ptolomeo, este xoves na biblioteca do instituto, a protagonista foi a novela de Xosé Miranda, Morning Star.

Pasamos un bo rato comentando o ben que nos resultou a lectura; o Campanochoca e máis a Pindonga son personaxes que a todos nos prenderon, a algún gustoulle máis o Lázaro Rivadulla, o asasino rencoroso que persigue ó mozo Lourenzo Tasende ou Gómez, quen namora a Helena Rouco, a neniña metida a rillote para salvar a pel. E todo isto co fondo das loitas, históricas, e ambientadas en Pontevedra e Santiago, dos moderados e liberais do século XIX, as alusións ó xeneral Solis e os mártires de Carral.

Queredes pasar un bo rato e aprender sobre a historia de Galiza, lede Morning Star.

Álvaro Díez Delgado, o novo pintor de Compostela...

2009-04-02T09:58:00.000-07:00

Onte ás oito foi inaugurada no Centro Sociocultural de Conxo, a primeira exposición de pintura de Álvaro Díez. O ex alumno do noso centro, o IES Antonio Fraguas Fraguas, inicia con esta mostra a súa traxectoria artística de xeito público, pois Álvaro leva máis de oito anos adicado á pintura.

Nesta mostra presenta nos seus lenzos a súa recreación de cuadros de autores de moi diversas épocas, Van Gogh, Picasso, Velázquez...

Desexamos moito éxito a este creador.